都唔使多講

　　看BBC中文網一則新聞「湖南質監：隱瞞茶油致癌『為維護穩定』」，真係唔知點講好，原來政府真係咁好，一切以穩定為先，至於人民生死，真係無你咁好氣。
　　荒謬的世界還有其他荒謬的樂趣，打個求救電話都要對等，咁以後無權無勢的小市民應該怎樣做？
　　做人做成咁真係無咩意思，樣樣事都國家至上，成日係咁點似一個人，和螻蟻有咩分別！古語有云「惻隱之心人皆有之」，既然救人要緊，邊個打電話又有乜緊要？況且從來都無話邊個打得邊個唔打得。
　　中國總有政治小丑存在。
　　以前讀歷史始終唔明白，曾經有過輝煌時代，點解都要滅亡，原來久唔久就會有政治小丑出現，好事唔做壞事做盡，結果係點，都唔使多講。