延續的故事

　　故事應該是這樣繼續的。過完馬路，一見城巴7000，立刻衝上前拿出相機，還未對焦，後面已經響起嘟嘟聲。
　　唔理咁多，一於從南走到北，又從東開往西，道路不一定寬敞，有直路，彎路，泥路，有迂迴曲折，高低起落，崎嶇不平，雖有康莊大道，不過卻喜歡羊腸小徑。
　　有時的確當眾人走向西時要去東，話去南時走向北，都話包拗頸無乜好收成，時時都係僕僕風塵，風沙撲面，撫摸痕跡只不過是點點刮痕，重新上油依然是架煥然一新的肥巴。
　　赤腳走在泰姬瑪哈陵觸摸大理石的白璧無瑕，踏上阿格拉堡才知是井底蛙，泛游多瑙河聽著同一條河的幾個名字，英語使用法語詞Danube，德國語是Donau、斯洛伐克語是Dunaj、匈牙利語是Duna、斯洛文尼亞語是Donava、克羅地亞語是Dunav。
　　唔識唔緊要，唔識可以問，行得多自然行出一條路，龍勝都係咁樣行出來。行街會見飽，大餐唔識餓，甩開追巴士，機器日見響，戰戰又兢兢，說了話去左，開始轉右時，尾隨綿羊仔，又見嘟嘟響。
　　綿羊仔依舊是綿羊仔，巴士已變成了一架肥巴，如今不用馬路上偶然咁碰到，而是努力行出同一條路。