「凱特」

　　英國威廉王子大婚，曾經是英國殖民地的特區香港唔使講，個個都認親認戚，回歸祖國後的傳媒更意淫王妃自瀆一番，報章十版八版大肆報道，電視台更直播婚禮，好似特區香港還是殖民地時代的香港。真係對唔住，這些美好日子已經一去不復返了。
　　都話中國人喜歡用筷子，所以無叉用，失憶唔緊要，仲要奴才到自卑，現在又不是英國殖民地，英女王娶孫新抱又甚麼稀奇。唔好忘記，香港點解成為殖民地，一切都係英帝將鴉片運入中國，荼毒我國（如果清朝都算是中國的話）人民，至運毒品到我國遭禁，竟然發動侵略戰爭，結果當然清朝戰敗，將香港及九龍割讓，這些在小學時讀書都讀過啦。
　　都話中國人特別賤，日本侵略過中國，對日本人沒有好感難免，但英國同樣侵略過中國，點解對英國人不怎麼樣？答案全因為自卑。
　　自卑演變成自大，回歸時又話自己係頂天立地的中國人，可以當家作主，誰料一見前宗主國英帝有甚麼風吹草動，美帝風山水起，例如apple出iPhone、iPad，又例如今次大婚，自命中國人的立刻扮回英國子民，興奮莫名，神經過敏，幾大都要緬懷曾經繽紛光彩的過去，驚死人唔知特區香港以前係英國殖民地。
　　唔緊要啦，特區香港的中國人就係咁賤，在英國面前要扮紳士，在中國面前叫我們要愛國，咁叻，咪鬼跟中國將王妃譯作「凱特」吖。