廣告

　　睇電視難免要看廣告，只是近年很少機會看直播，大部分節目都是錄影，一見廣告立刻快速前進，幾乎滴水不漏，不過間中也有例外，要回轉重看，因為有些廣告的確抵死，雖然未能即時引起購買欲望，能夠以三十秒至一分鐘說一個故事兼推銷產品，難度很大，吸引留意觀看已經成功，日子有功再潛移默化，自然會對這牌子產生好感或興趣，至將來或有機會接觸時，必然是第一選擇。



　　自問對喜力沒有甚麼好感，不過近期廣告鬼鬼馬馬，證明男人閒來都很無聊，廣告配合所贊助的歐冠，扮足落場比賽排位——是座位。
　　初看STELLA ARTOIS廣告時，不知是誰國的啤酒，直至看了這個廣告開始對這款啤酒有點興趣，台灣一個網誌也介紹了這款STELLA ARTOIS啤酒，才知歐洲有咁多選擇，還有「保護」主義，真係唔睇都唔知。廣告有三十秒一分鐘和分半鐘，神女有心，襄王無夢的現代完整版，最後竟還意不在此。





　　床褥廣告不能搵個阿姐出來硬銷便可，連售貨員都頂唔住，「有苦自己知」，咁樣先有說服力，可惜自問買唔起Sealy床褥。



　　至於這款開始時以為汽車廣告，結尾才知新秀麗，咁樣算唔算成功？中途一扭，唔係咁容易扭得返，個篋打回原型先至吸引。新秀麗？新秀麗唔係中文字體的一款嗎？床下底都好似有一個。



　　廣告效用係未咁大？不知不覺深入腦海，難免會受影響，慢慢才知廣告的威力。話說播放電影時一秒時間內二十多格菲林中放入一格廣告，觀眾幾乎是看不見，但腦內竟可留有印象，從而產生渴望擁有的意念，難怪現今社會離不開廣告。
　　最近看到這個廣告，真係想擁有一個，唔係個篋，而係個背囊。