特別新聞

 　昨天醒來十一時許，出來見母親看亞洲電視收視率最高的十三台歲月留聲，於是入廚房斟杯水一面飲一面看看點解亞洲電視咁多個台，為何獨是十三台收視率最高。
　　一坐低，原來播開的「我和春天有個約會」畫面一停，突然轉換成特別新聞報告，主題曲響起之際，心諗究竟發生甚麼大事，要暫停所有節目轉播，莫非流浮山深圳河發現大批死豬？（見中國多個地區江河中發現大量死豬）
　　原來唔係，停播所有節目原因係習近平當選國家主席。一件幾年前已經知道的事，有乜咁大件事？
　　唔好話幾年前，起碼半年前習近平做了黨委書記，做國家主席只是等待這兩個星期開大會，一件已經全部人都知的事，特區香港的新聞報道可以當作大事。
　　想想原因，可能當成係當時係先知作了預告，今天成真所以變成大事。