特區怪事

 　上網看到一則花邊新聞，關於今年書展，題目隔牆有耳：碼頭工潮書　印刷廠怕怕，內容如下：

　　碼頭工潮係今年重要大事，職工盟就將持續近一個月嘅工潮結合成《撐到底！碼頭工潮40晝夜》一書，6月底已經向內地印刷廠交晒所有稿，準備搶喺噚日書展出爐。點知職工盟話嗰間印刷廠喺三個星期前，突然以本書題材好敏感為由拒印。好在職工盟冇亂陣腳，拿拿臨搵咗台灣印刷商搭其他書展書一齊印，估唔到禍不單行，台灣後嚟竟然又有颱風，最終令佢哋首批700本書要喺噚日下晝先面世，職工盟為此向心急嘅粉絲致歉。

　　看完這則新聞唔係幾明。
　　首先，李卓人經常將香港工人的利益掛於口邊，其次，李卓人現時好像仍是支聯會主席。
　　政治如何可以不理，但他經常口口聲聲香港工人利益，但係印書點解要拿回大陸印，這是何道理？
　　當年香港老闆搬廠回大陸，他會說老闆無良，但現在他印書卻在大陸印，香港工人利益何在？
　　難道香港已經沒有印刷廠？現在香港印刷工人無工開，李卓人有沒有替他們爭取利益呢？
　　講到底，你還不是貪平。
　　明知大陸不會替支聯會有關係的人印書，你還要拿回大陸印，真係唔知你係點諗。
　　另外一件事就係，最近特區政府推行新商品條例，不可以亂說第一最好之類，城中有高級知識分子開的商店，以前成日講自己全港第一，新商品條例生效已經不再說也就罷了，厚顏無恥貼出告示，講自己如何努力完成使命等等，訪問幾百個人就可代表全特區七百萬人，既然如此講到自己咁崇高有理據，點解唔繼續講自己全港第一呢？