自把自為

 　個個都話DIY，咁能否可以樣樣自己做？洗碗掃地抹窗炒菜絕對可以，至於工作則無話唔得，質素只有下降。
　　中國人見外國宜家家居咁成功，世界各地都有，件件傢俱買回家都係自己砌，檯櫈櫥櫃甚至吊燈都係幾個組件，買回家按圖慢慢砌，一般都沒有問題。
　　但係外國人可以，並不代表中國人也可以，因為中國人從來都係質素低，一來差不多先生，二來製造出來的組件唔係偷工減料就係不按原本設計生產，結果永遠差過人。
　　以前中國人大概知道自己的弱點，所以樣樣分工仔細，合作製成產品，設計的設計，選料的選料，生產的生產，裝嵌的裝嵌，檢查的檢查，結果所生產的產品質素良好，行銷世界各地，令一些沒有能力的地方也來取經，學習中國人的方法。
　　但不知何時開始，可能係覺得終於可以當家作主之時，中國人藏在深處的自私也再出現，開始想著為了減省時間金錢（即偷工減料），於是又再超越外國，一於一人多工，即一個人可以設計選料生產裝嵌檢查，甚至做埋推銷回收補錯，看似省了時間金錢，奈何又回到起步點。
　　雖說可以一人多工，但係趕時間之時，紿終要有人執漏，即由分工的設計選料生產裝嵌檢查，在最後關頭分開逐一檢查，保證產品能夠出廠。
　　某日，一個一人多工新人類如是者由舊人類檢查執漏，看著產品由多種新方法（偷工減料省時間慳金錢）完成，出廠只為蒙混欺騙顧客，舊人類無計可施，只好盡力補救，在一處缺陷找不到更佳辦法時，新人類終於講了句：「都係唔好咁執著，當睇唔到。」
　　舊人類頓了頓暗忖：「還以為自己執著。」
　　質素下降成了潮流，不要天真想著挽狂瀾於既倒，而是冷眼旁觀看著滅亡。