看電影以外

　　除了德國人，日本人亦以工作嚴謹認真見稱，出版一本辭書，要經過五欸校對才能成書，二十多萬條詞語，由頭到尾看一次已經頂唔順，仲要睇五次。
　　不過暫時不談這電影。
　　某日有幸隨學校參觀特區香港文化機構，一入門口已經隱約聽到：「這裏的宗旨是簡單易明，讓讀者容易閱讀，一目瞭然。」
　　但又聽見另一個說：「你呃人，這裏明明將一些簡單的事情複雜化，明明可以好簡潔，然後加左加右扮高深。」
　　「唔係噃，你係未講你負責的部門？」「當然唔係，係所有，所以話你呃人。」……
　　似乎開始鬧交，避開為妙，繼續跟大隊四圍參觀。文化機構很大，分佔整層大廈，有攝影部、編輯部、排版部、製版部，點解獨不見校對部？
　　終於在一張堆滿書本文件的寫字檯中間看到一張紙，紙的一角印上「第七校」的圖章。嘩，校七次？心中立刻肅然起敬，莫非準備出版辭海？
　　日本仔（這稱呼沒有不敬之意）都係校五次，特區香港的校七次，誰還敢說中國人比不上日本人！