番薯糖水

　　二零一零年躲在龍脊梯田，晚飯後見有番薯幾個放在廚房旁，於是問老闆可有番薯糖水，老闆娘爽快回答，可以做呀。
　　煮番薯糖水不難，先將番薯去皮，略為沖水洗去附著的泥土，然後切成大於一英吋左右的任意形狀，煮開水加入黃糖幾片薑，水滾放番薯，大火至再滾收火，即成美味番薯糖水。
　　正因為弄番薯糖水不難，如果和母親一起外出吃飯後甜品，她一定不會點，但有時飯後又想食，只好趁不和她吃飯時點上一碗，原因帶點辣的甜，家中始終煮不來。
　　中午時母親出外打麻將，電視剛播出新聞，內容講到特區香港試行奶粉壓力測試，看看能否放寬內地人來港買粉奶，臨出門口時，母親講了一句：「都唔知有無搞錯，咁大個國家無粉奶，話要蒞香港買，講出蒞全世界都無人信。」之後出門打牌。
　　的確係。
　　特區香港面積細，無農業無畜牧業，無奶粉生產唔出奇，但偉大祖國面積九百六十萬平方公里，有農業有畜牧業世界第一經濟強國乜都第一，點解無奶粉出產？要買外國貨？
　　不問原因，只怪限帶兩罐奶粉離境，的確荒謬。