全部都講炒

　　已經無買報紙二十年有多，間中睇睇免費報紙，今天（九月十四日）打開一睇，晴報的頭條是出貨少功能新 iPhone X 料炒上$3萬　iPhone 8 水位僅百元，頭條日報其中一則是頂級iPhone稀少　手機達人：十萬蚊都有人要，至於AM730的頭條都是iPhone，第二則已是先達店主︰iPhone X可炒至3萬元。
　　至於其他收費報紙，高級知識分子大報則以「iPhone X推容貌解鎖 料炒價1.3萬」為題，香港01「【iPhone X】先達人點睇新 iPhone X/8/8 Plus？冇驚喜、照炒起！」，蘋果日報「【新iPhone殺到】先達佬等iPhone X：炒高至萬五都得」。
　　張張報紙都講炒，講到好像唔炒無得發達。既然一個智能電話是用來炒，那麼為甚麼居住的樓，食用的米和其他包括日常用品樣樣都可以炒了。
　　不知是否人格分裂，那班高級知識分子平日一講到炒，立刻正義上身，義正辭嚴著文立說講炒之不義，但係唔知點解一講由美國Apple所發明生產的電話iPhone，除了每次新機發佈會之後第二天必然登上全特區香港各報報的頭條之外，大部份主題都係講炒，由炒一部賺數千至數萬甚至炒iPhone而買了幾層樓，難怪炒樓炒股票發達之人都是值得特別讚賞，全因為那班高級知識份子在行文中對炒iPhone之風既無批評之意，反而帶有鼓吹的歌頌，以後凡炒一定是正義的事了。
　　還有，美國一間科技公司一件工具或日常用品，為何全個特區香港的傳媒特別重視呢？本來以新聞來報道並無不妥，但一定要以頭條的形式刊登，內裏必有原因吧，也許有些人持人蘋果的股票也說不定，或許這就能夠解釋Apple的新聞必然是頭條必然受重視，其他戰禍災害不報也罷。