學生運動

　　補回六月四日一篇。
　　前幾天一則新聞港大學生會：無責任推動中國民主，內容都係離不開那幾句，為了推卸就話自己無責任，又無人要你負責，你點解咁驚？
　　從來不太喜歡支聯會，一向都唔多去燭火晚會或遊行之類，十年八載前曾去過維多利亞公園，最怕就係聽到那些歌聲以及早幾年那位副會長之類那把哭喪的聲音，自從689之後唔再出席，因為知道佢會拉人。
　　唔關自己事唔鍾意那班人唔需要負責任通通可以是一個理由，也可以不是理由，講咁多無非都係給自己一個解釋，去唔代表咩同樣唔去亦唔代表咩，以前唔會聽見咁多解釋，亦絕不會問人去唔去或者點解去或點解唔去等，點解呢？
　　唔知咁樣落去會唔會變成與「問你是否中國人」一樣，跌入一個自己掘的陷阱，給人有機可乘，製造似是而非的答案，給自己開脫的理由。
　　講真，你去唔去關人叉事，行禮如儀又怎樣，別人不會替你選擇，所以請勿為他人決定。
　　有自由時唔做，難道要等到無自由才做？

六四29週年：銘記還是遺忘
王維林

　　選了兩張照片，一張是坦克人，另一張取自十九才子facebook上的當年報紙照片。