一堆殼

　　前天經過巴士站，見垃圾桶旁有一個紙箱及一堆栗子殼散滿一地。
　　紙箱放在垃圾桶旁還可以理解，因為紙箱經收集可以回收，附近有幾個拾荒者專門收集廢紙鋁罐，裝滿一大車大清早推去賣，賣回一百幾拾足夠一天開支。
　　但何解有堆栗子殼就真係諗極都唔明。
　　秋風起，多見小販大叔推著安裝了一個火水氣作爐，上面有一個大鑊放入大小均勻的黑砂，加一個大鑊鏟落足氣力炒成香噴噴的栗子，天氣寒冷時剝一粒放入口，倍覺溫暖兼清甜。
　　以前農村社會或入場睇戲，買了砂炒栗子多數一面行一面食，大地是我家的懷抱下，栗殼隨手丟在地上便算，睇大戲時才會一堆殼在櫈邊，可是今天所見這堆殼丟在垃圾桶旁，的確令人費解。
　　雖然已不再是農村社會，城市化下仍有很多未開化的人，但係無理由蹲在垃圾桶旁食栗子，而既然有個垃圾桶，為何不將殼丟入桶內？卻要一堆棄在旁？
　　住慣了南方的一個城市，想像不到蠻荒世界究竟如何，而中國人的文化更令人難以理解，周圍雖是石屎森林車水馬龍，很多人仍然停留在幾百年前。