足球

　　妹仔睇意大利甲組足球比賽，唔係電視直播，而且網上新聞。

　　那天好似係由熱那亞主場與帕爾馬比賽，結果熱那亞主場負給帕爾馬，比數已經唔記得。

　　之後見個妹仔自言自語咁話：「意粉輸咗畀火腿。」

　　帕爾馬著名火腿，但熱拿亞怎會是意粉？回心一想，熱拿亞也有享負盛名的青醬意粉喎。

　　難怪意粉輸咗畀火腿。

　　如果係咁，T骨會不會是費倫天拿？肥魚係巴里？絲帶麵係博洛尼亞？

　　真係一個謎，相信只有妹仔才知。