「搶」麵粉

　　已在家自製麵包多年，初時由妹妹送的Kenwood Bread Maker開始，焗出來的麵包比在街上買到的充實得多。雖然有時候掌握得不好或忘記了加乾依士，浪費了心機也損失了材料。

　　那部Kenwook用了五年多，底部攪拌器脫落，其他一切正常，可是配零件比買部新機更貴，於是買了一部Panasonic SD-P104，體積較細，還有預設完成功能，晚上加入材料，第二天早上便有新鮮麵包。

　　麵粉幫襯街市雜貨鋪，初時每兩斤購入，後來改買意大利入口的一公斤裝，可惜不敵南韓貨而暫停入口，於是重新到雜貨鋪購買。

　　兩斤很快用晒，大概可製四至五次，約八至十日便要入貨，有時一忘記第二日便沒有早餐供應，於是改為購買五斤，用成大半個月，不用經常記掛，買少一次可以改食其他。

　　這兩天謠言四起，又沒有接納漁農界立法局議員的建議，好像西德時期的柏林一樣空投物資，大部分被愚弄的市民慌忙到街市超級市場搶購各種生活必須品，當然包括蔬果豬肉——好似無開檔——柴米油鹽還有廁紙等。

　　可惜因為沒有多餘錢，所以不能學他們一樣買咁多東西放在家。

　　這天早上剛巧用完麵粉，返工前去雜貨鋪買五斤。行出來時碰到一位阿怕（並不認識），突然對我說：「嘩，你去搶麵粉，搶得咁細包？」

　　真係唔知佢想講乜，我唔係「搶」，而雜貨鋪亦無加價，還詢問老闆金鳳米二十五公斤幾錢，待有車仔時可以買一包，免幫襯連鎖超級市場。