散步至淺水灣

　　Covid肺炎下幾乎街都唔出，但係始終要購買生活所需，偶然還要放風。我們不及外國居住環境，落床已經入洗手間，轉彎入廚房，所謂客飯廳——真係好聽——只容納一張檯兩張櫈，電視就在眼前，唔需要三十吋，二十吋都好大。

　　有報道說特区「香港成人間煉獄，COVID-19 死亡率全球最高」，無辦法，資源錯配，把一切都投入動態清零，其他危疾全部放棄，現時去公立醫院睇醫生的長期病患也只能配藥，至於新症根本無人理會。

　　全國都可以清零，偏偏特区三年都做唔成，投入咁多資源，必須堅決徹底動態清零，我們永遠支持特区政府。

　　有時諗唔明，日日三兩千人至每日三五萬人感染Covid肺炎，宣傳著市民避免外出，可是日日幾十幢大廈圍封強檢，本來唔出街的也要出街排隊等候，明明無事都變中招。

　　最近更說要全個特区七百萬人分九日三次強檢，按個個要返工返學的正常日子，每日大概有五六百萬人必須在街上流動。現時很多人在家工作，又不用返學，人數已經減少至二百多萬人。

　　可是當全民強檢時，要七百萬人同一日內行出街排隊，等候登記等候檢查，跟住又排隊返屋企，本來約有二三百萬人根本無出過街，因為強檢而唔出都要出，即明明無事都可能受感染，到時應如何避免超過兩個人同時在一起？

　　當輕症時又吩咐千萬不要來醫院，待在家中休息，可是到了強檢日卻必須出來排隊，到時又如何避免碰到這些家中與病毒同存的人呢？

　　究竟應該點做才好？

　　唔好理咁多，做人講常識，得閒舒展下。那天陽光普照，一於從鴨脷洲散步至淺水灣，然後搭車回香港仔。