何謂「輸波晉級」

　　自從上網可以搵錢後，個個人都係專家，更語不驚人死不休。

　　歐洲聯賽冠軍盃十六強開始了第二回合比賽，結果利物浦零比一負於國際米蘭。兩回合總計利物浦以二比一晉級。

　　自從收費電視台壟斷足球轉播，自從林尚義逝世後已經很少睇波，不過偶然也會在youtube上睇精華片段。也因為經常睇youtube，youtube自然會推介一些廣告，結果看到這樣的題目：「輸波晉級　對國際米蘭次回合賽後評」。

　　睇完就算啦仲要評。雖然第二句有寫明「次回合」，但係第一句中「輸波晉級」何解？

　　利物浦在第一回合作客勝二比零，第二回合主場負給國際米蘭零比一，兩場合計利物浦以二比一淘汰國際米蘭。

　　何以輸波晉級？是否第二回合唔可以輸？

　　無謂計較，不理便是。

　　說回兩場賽事，始終覺得利物浦唔係踢得咁好。沙拿距離偉大球員仍差少許。

　　至於皇馬第二回合淘汰巴黎聖日門，巴黎聖日門咎由自取，這與球員身價太高有關，無人願意回防。除了第一球有爭議外，其餘得個亂字，並無爭勝的雄心。