番薯糖水

　　番薯有很多種，今天已經很難買到大大個用來煲糖水的那一種。

　　並不是其他番薯不可用來煲糖水，而是無咁大個而已。

　　上個星期買了一種黃色的，煲出來的糖水帶薑的香味。這個星期買了雞蛋黃色的一款，味道也不錯，只是沒有了黃色的鬆軟。

　　日本人唔係放個屁都香啲，唔知點解，近年卻多了從日本進口的番薯。普通街市買到的所謂日本番薯，當然唔會信係由日本貨，但在大百貨公司標明日本進口的一定唔會假的吧，可是點解日本番薯像中了輻射一樣，永遠長不大，細細個連皮食都嫌麻煩，那些大大個用來煨番薯的品種呢？

　　都話中国人好學唔學走去學日本，甚麼紫番薯番薯仔等。本來番薯從南美而來，為何引入的品種不來自南美而偏要來自日本？

　　一講日本，中国人又要講歷史，既然咁咬牙切齒，點解又要日本番薯？

　　真係一個謎。

　　講起番薯薯仔，自從古代（宋元明）開始傳入種植，糧食供應才能較為穩定，之後人口才得以增加。再講落去，會否喜歡番薯也和崇洋有關？