繼續每一架新巴……

　　之前好像有句宣傳言：「每一架新巴，都夢想變做一架城巴。」

　　好喇，六月三十日過去了，七月一日也來臨，新巴終於變咗做城巴。

　　點變呢，原來只不過係貼張城巴標誌，遮住原有的新巴便完成。

　　無理由係咁，上個星期日去石澳游水，真係見到由新巴變城巴。

　　話說來往筲箕灣至石澳的9號巴士由新巴營運，多派38的巴士行駛，這天見一架70代替了原有的38，咁係咪已變做了一架城巴呢？

　　回想當年，由城巴營運二十多條港島區路線，至中巴退出，為何會由新巴投得營運權？那時的答案好像話係唔想港島區的巴士路線由一間公司壟斷。

　　結果兜兜轉轉，幾年後新巴亦購得城巴股權，繼續由兩間公司營運，雖同一個大股東，但仍有競爭存在。

　　今天港島區再由一間巴士公司經營，那麼當天所言豈不又係今是昨非？