高低

　　新巴與城巴合併於2023年7月1日，至今已一年有多，最近才見香港仔開始更換新站牌，黃底黑字，字號偏細，能夠製成拿出來公開使用，一定經過城巴高層允許，而這班高層一定能夠睇得到和聰明的人。

　　乘客來到巴士站，主要睇吓想搭的巴士是否停在此站，但字號偏細，年紀輕和城巴高層的聰明人當然睇得清楚，可是現時特區香港人口老化，睇新嘢和改變習慣要經過一段時間，如果能夠有一個測驗，詢問乘客對於新舊巴士站牌的意見，不能單靠一班聰明人來作決定。

　　這天在香港仔魚類批發市場候車，站牌上這行中文字號已經細，那行英文究竟係咪畀人睇呢——或者鬼佬睇到？或許大家打工做咗就算的心態吧——有好過無。

　　巴士號碼全部按新設計，唯獨「170」用上舊款字號，這樣一比較，究竟「170」和「107」「107P」那一個較容清晰？

　　聰明的人應該睇唔到，所有乘客卻都知道。