點解要跟英國？

　　步行至風車這段路，才真正留意英國的街路的設施，從旅館出來天都未光，還未瞓醒，準備過馬路時，見安裝在交通燈上的行人過路燈按掣，點解和平日所見一樣，還以為身在特區香港。

　　睇清楚係有分別，英國多了英文，而現時特區香港所用的按掣，大多已改用德國制（或許都是英國貨），不是撳而是用手摸，比英國唔知先進幾多。

　　再過一段路，見個紅色郵筒，以及電話亭，真係唔知係咩世代？

　　特區香港的電話亭，早已唔係咁嘅款，郵筒也變成綠色，但是有部分郵筒仍然使用舊時英國殖民地時代的款式（髹了綠色便算），真係諗極都唔明，莫非英國人真係放個屁都香啲？

　　點解仲要跟英國？仲叫咩維多利亞呢？