歌曲及電視劇：IQ成熟時

　　《IQ成熟時》上世紀1981年6月8日（維基百科）在麗的電視播出，有無睇過唔記得，不過應該係無——那時剛出來工作，邊有咁得閒。

　　主題曲由蔡楓華主唱，黎小田作曲，盧國沾作詞，當然亦唔係所喜歡的歌曲。

　　最近聽聞蔡楓華開演唱會，連十九才子說如果在特區香港都會買飛入場。以十九才子經常正言若反的風格，不用太認真，不過他亦有其道理，當年被封殺，究竟咩原因？

　　說出來也不過是弄權的結果。有人話不再播放改編外國和日本的歌曲，自始連唱片公司也要執幾間。係都要打殘麗的電視（亞洲電視），後來連睇電視嘅觀眾也開始減少。電視台喜歡捧自己的歌星係無問題嘅，但當連電台都係咁，咁就留畀自己玩便算吧。今天的電台只剩喪笑聲。

　　當然蔡楓華都係捧出來，你唔鍾意咁嘅款你可以鍾意第二個，偶像多的是。但當偶像只有一個的時候，睇得多係人都厭。

　　演唱會都係留畀才子去睇，舊歌好多而未聽過的亦多，今天無得選擇之時唯有選擇唔聽唔睇。