一個星期的開始

　　中午看新聞，知道星期六晚在廟街擲腐蝕體事件中警方拘捕一個疑人，今天特區首長曾蔭權立刻出來講話，仲以為佢唔識講嘢，原來係話「對於再次發生投擲腐蝕性液體案表示氣憤及傷心。」還指出「警方已經懸紅緝兇，希望市民提供資料，協助警方破案，盡快了結案件。」
　　「叫市民提供資料，協助警方破案……」，佢真係痴痴地，上次羅湖橋上大陸公安越境執法，大批市民提供大量資料，又照片又錄影，但係警方及保安局局長都話睇唔到，都唔知佢地想要啲乜資料，咁你話點破案？
　　人眼（包括所有動物的眼）都會白內障，何況「天眼」？「天眼」你估唔會壞？咪一樣會壞！
　　下午去了銅鑼灣參觀由香港魚類學會舉辦的「魚類文化與科學展覽」。香港早年是由一個漁港開始，臨近海洋，得天獨厚，食魚就食得多，魚可能是人類的祖先都是幾年前才聽過，地球約在四十五億四千萬年前誕年，要到三十五億年前才開始有生物在水中生長，如何演化至魚類，再如何爬上陸地，進化成各種生物，看看也覺得有趣。
　　鰣魚多骨，因為未完全進化；鱘魚叫活化石，因為軟骨，根本沒有再進化；吞拿魚瀕臨絕種，不要說日本，歐洲同樣出現這情況，今天捕獲的吞拿魚，比起二三十年前的體積小了一半以上，原因除了濫捕，另外是需求日多，根本不夠時間生長。