自己決定

　　以前屋企細，乜都阿媽打理，洗衫熨衫唔使講，飯來張口衣來伸手，咁就年復一年。過咗十幾年，開始自己有話事權，喜歡紅藍白黑，阿媽都已經無你咁好氣，話之你。

　　後來結婚生仔，全部交畀老婆理，又係飯來張口衣來伸手，起身見掛好衣服在床前，唔使講一定穿這套，入到浴室沖涼，門後底衫褲掛好晒，唔使諗啦，都唔知幾好，過得一年半載，幾乎連衫褲鞋襪都唔知放係邊。

　　話咁快新屋都住咗十三年多，新屋變舊屋，都係時候裝裝修，書房改成打機房，唔係打機時也可以打麻雀，都係時候享受享受係屋企的自由。

　　「咁可唔可以叫個朋友返屋企打機食飯呀？」

　　「你有朋友咩？」

　　「都有嘅。」

　　「咩朋友呀？」

　　「二十一年多前的朋友了。」

　　「咁你自己決定啦。」

　　……

　　自己決定？點解從來無聽過這句說話。

後記：先來看亞視一則新聞，再看另一則，就會知這個世界多奇妙。