徒然

　　美國蘋果電腦創辦人喬布斯逝世，聽聞香港蘋果專門店熄燈悼念。
　　那些自命蘋果迷的「黨報」，對喬布斯又教主又教父，每有新產品驚死無人知，今次唔知點解唔出素色成個頭變黑，反而閃閃縮縮，難表一片孝心。
　　科技進步不代表人類進步，多個電話多個平板電腦唔代表更關心非洲飢荒、中國旱災、東南亞澇災、阿富汗伊拉克南美非洲戰爭、全世界貧窮，多個電話多個平板電腦只代表人類比以前更害怕寂寞。
　　如果無自由，誰也不能成就，識講唔識做，一切都是徒然。