咳藥水

　　偶然碰到一位舊同事，隨口問他離開單位的原因，誰料他的解釋竟然答：「單位病菌多。」
　　當真？
　　「千真萬確。以前在單位工作，經常有幾聲咳，醫極都醫唔好，又食藥又照肺查不出原因。之後聽女朋友講不如轉工轉轉環境，怎知一轉工，一聲咳都無。」
　　半信半疑。
　　這兩三個月可能病菌轉移目標，無事無幹又係得幾聲咳，一踏入單位便開始咳，下班唔咳，放假唔咳，放多兩日假一聲咳都無，但一返回單位即刻咳，那麼舊同事所言單位病菌多確有其事。
　　寧可信其有。
　　看醫生沒有結果，話人流多空氣差，難免容易感染，加上氣管收縮。如何解決？只給一樽咳藥水（馬尿）幾粒藥（類固醇之類），好轉了幾天，放完假返到單位打回原形，證明馬尿類固醇不能對付空氣中病菌。
　　無辦法，於是學時下青少年飲咳藥水，這次換了果汁味，效果好一點，不過咳藥水的副作用令人昏昏欲睡，能夠即刻睡最好，如果唔係，要打醒精神和睡意戰鬥，飲咳藥水的感覺究竟有甚麼好？莫非就係喜歡那種恍惚？
　　真係一個謎。