不看

 　馬季期間，電視台每個星期只要那天有賽馬比賽都會現場直播，星期六日高清直播，星期三晚改由國際台直播。
　　直播賽馬有甚麼特別？直播賽馬已經很多年，一向都是麗的電視至後來改名亞洲電視負責，無綫以為有利可圖，曾奪得直播權，好像直播了一年又轉回亞洲電視。好心無綫啦，直播賽馬雖然有收視，但係都無謂和亞洲電視爭。
　　如果一個唔賭馬嘅人，會唔會有興趣睇賽馬直播？或者間中無聊時開電視，剛巧見全部馬已經入閘準備開跑，或者都會睇吓點跑馬，至於邊隻馬熱門邊隻馬冷門冠軍隻馬叫乜名都唔會有興趣知道，因為沒有下注，誰勝誰負和自己完全無關。
　　以前賽馬要英皇御准，皆因英國管治香港時知道中國人好賭，規定多多。今天唔同，除了馬之外，成了中國殖民地之後，更開禁可以賭波，自此也多了人睇足球賽事。
　　唔好同我講今天個個人講波係喜歡足球，只因多了賭的原因，連那些高級知識份子成日都話唔鍾意賭，但係又唔知點解那些高級華文報紙又可以有足球博彩賠率，咁唔係鼓勵賭博係乜呢？唔通係教育？
　　近日開工出街碰到別人，都問猜邊隊贏。大佬，如果你唔賭係未無興趣睇波？如果你無心儀球隊，誰勝誰負又如何？為甚麼不可以細心欣賞一場賽事，看誰踢得好排陣得宜誰把握致勝？
　　所以，自從講波佬林尚義都已去世幾年，再加上特區香港鼓吹賭博（包括自命高級知識份子），直播足球像直播賽馬一樣只為賭博而設，今天的足球比賽又再有甚麼好看？