據理力爭

 　如果單位有一個高層職位如溫家嫂，某日走到你的面前，叫你幫他辦好一件事，你應該如何是好？
　　這件事當然是份內事，是你平時每一日每一刻都係咁做的事，分別在於平時如走肉行屍般無人吩咐，自動自覺不停做，做到收工為止。但今天那個溫家嫂唔知點解突然間叫你咁樣做。
　　那時你會不會停下來想一想，這樣做是對是錯？有得想咩？重點係你究竟做唔做。
　　幾日後又聽到某人講，做人一定要知對錯，明知係錯無理由要做，點都要據理力爭。
　　鬼唔知據理力爭，風涼話個個都識講。
　　一向都有據理力爭，例如老早同你說，這樣做係唔啱嘅，只會將要求降低，亦令水準下降，沒有一個標準，也沒有制度可言，但係你有無聽呢？
　　看法可以各異，是對是錯真係唔識分，佢吩咐就唔得，平日你吩咐就理所當然，在連螺絲釘都不如眼中所見其實都係無乜分別，最唔明係之後會有人走出來大叫你哋要據理力爭。
　　拜託，據理力爭的結果你們唔會知，這個世界只有做或唔做兩條路，況且你班人又未見過你出去遊行示威，三十幾度又唔會見你上街，坐在冷氣房說支持民主普選，又話這個說幾多萬人那個說幾十萬人，自己最公平咁話，今天民主勇士實在太容易做了。
　　從來無罷工無遊行無行動只用把口講抗爭，想問問據甚麼理力爭？