最低暴力

The Battle for Mong Kok from Nathan Mauger on Vimeo.

20 Meters in Mong Kok from Nathan Mauger on Vimeo.

　　乘巴士上班，乘客已經迫至貼著玻璃，有幾個十來歲的初中生上車後站在通道一面玩智能電話一面說笑，後來的乘客輕聲笑說唔好掛住玩，唔該行入少少，騰出空位讓多幾個人上車。
　　十幾歲初中生正是求學時間，對所有事物充滿好奇，未必知道點解會交通擠塞，點解架巴士咁多人，點解人要營營役役，點解唔可以我有我空間我有我自在。
　　到十幾二十歲時開始知道多一些之時開始問點解，會問點解前面班人阻住晒。有說今次佔中是代溝之爭，大概都會同意這個觀點。
　　沒有錯，人就係咁，也許應驗了如論語所言三十而立，四十而不惑，五十而知天命。自己二十之時會問點解，到了五十時唔會畀人問點解，因為知天命難改。
　　五十知天命，不代表十幾二十要知，佢地就係唔知，所以要改。
　　好像重頭再來一次，自己十幾二十之時同樣諸多唔順眼，樣樣提意見事事要爭取，為何今天五十會反對二十？你自己當初不是這樣的嗎？
　　特區香港警察話示威者暴力，於是使用最低暴力，不過由外國傳媒所拍攝的片段，雖然經過剪接，但睇完真係唔識分辨邊個暴力，可能有槍在手都未開槍，點算暴力呀。