午餐

　　午餐同樣選在小食街附近，選了較為經濟的碟頭飯，十至十二元不等，飯多兼味道不錯。吃飯時聽到旁邊兩個中學生與店員的對話，大概可知這裏的生活態度。
　　學生一面吃著快餐，一面向店員點外賣，其中一款叉燒炒蛋飯比其他貴了兩蚊，學生於是問：「點解叉燒炒飯貴兩蚊？」
　　「來貨貴咗嘛。」
　　「幾時貴㗎？都未有聽聞。」
　　「最近啱啱貴㗎。」
　　「一貴貴兩蚊咁多？」
　　「我哋都無辦法呀，只得叉燒炒蛋飯賣十二蚊，其他十蚊……」
　　跟著幾句聽唔清楚，因為沒有太留意他們繼續說甚麼，後來才知都係叫了叉燒炒蛋飯。
　　兩個人對答很斯文，完全沒有責罵與質問，有如閒話般對答今日食咩飯，各有難處亦知生活迫人，為自己利益訴說著埋在心底的不平。沒有惡形惡相，更沒有高聲叫囂，在大陸這個森林的確難得，雖然經過共產荼毒，但這個魚米之鄉，仍然孕育出藏在裏面的良好言行舉止。