誰看電視？

　　正在懷疑今天還有多少人在家看電視之際，某間電視台改頻換名，誰料連BBC都有報道，以再度敏感 香港電視普通話新聞配簡體字幕為題。
　　自問沒有看過更不會投訴，因為這個電視台不是給特區香港人看的，既然唔係給香港人看，為甚麼要投訴呢？
　　況且特區香港人千萬不要阻人搵錢，人家千辛萬苦搭個雞棚，特區香港區區只得七百萬人，難道再有傻人願意花錢投資電視？邵逸夫未去，這間電視台早已投誠，邵逸夫一走，除了仍有點錢賺之外誰有興趣再搞下去，雖然一台獨大但投資唔少開支又巨，萬一真係觀眾日漸減少如何維持，終於有人想出一個方法，除了慢慢給特區港人洗腦之外，又可吸引另類資金，何樂不為。
　　電視廣播講收視，試問特區香港人誰會收看一個講普通話刊殘體字的節目？除非這個人有被虐待狂和特別愛國，再加上今天個個都有個智能電話和平板電腦，閒時唔係睇網上電視就係滑魚蛋（FB），六十歲以下還坐定定睇電視還有幾人之下，收視日漸下跌而仍然日播夜播，何解呢？
　　莫非喜歡和錢鬥氣？特區香港觀眾唔睇無所謂，因為有其他鄰近的人睇，最重要係有好多人想做亞洲CNN與亞洲梅鐸，到時這個雞棚水到渠成，特區香港人有無電視睇關人鬼事。