觀影提示：A仔聯盟

　　早幾個月前看電影，才知觀影提示已改了，記得以前只得A仔一個人走來走去到後來的踏著單車飛來飛去，比較喜歡最後臨開場時A仔倒瀉了爆谷，一面錯愕與可惜。
　　現在的以一首歌講齊咁多樣，包括不要講電話請勿吸煙不准攝錄，新近加入請勿踢櫈，這項的確最重要，因為請勿吸煙已經很多年，今天肯定不會有個觀眾一面睇電影一面吸煙。至於攝錄早已成了歷史，無人會再睇鬆郁朦，想睇不如上網睇，至多沒有大銀幕。
　　睇戲仲要講電話「篤魚蛋（fb）」的人，應該是一個忙人，根本不適合入電影院享受悠閒。
　　覺得今天最照顧觀眾，就是加入了這項請勿踢椅背。現時新戲院每行之間比以前寬闊，想伸長腳踢前面椅背都唔係咁容易，但係有些人偏偏有這些癮，一面睇戲一面等閒踢一踢，甚至有節奏的踢，每次被踢的觀眾都會回頭望一望這位觀眾是誰，嚴重的更會說「唔該唔好再踢我張櫈」。
　　從這小節中可以知道戲院都幾留意觀眾對於觀賞電影時的感受。
　　觀影提示中一見獨角獸大笑連爆谷飛出，跟著反彈回座位時口中念念有辭，樂隊眾人中最喜歡就是這隻迷你仔。妹仔當然留意她的親戚。