士碌架

　　最近在youtube上睇了一段奧蘇利雲利用四邊檯救了一個士碌架同時亦set了個士碌架，駕輕就熟，睇怕平日都係咁打。
　　一九九七年以前，香港電視間中都會播出士碌架比賽，那時街頭巷尾也開設了波樓，雖然部分難免品流複雜，但始終是一種娛樂運動，算是踢波以外的另一選擇。印象中和董驃一齊講馬的郭軍城，曾是亞洲冠軍。
　　自從收費電視襲香港，大部份體育節目有錢有得睇，無錢睇硬照，於是所有人轉去上網各自各睇，結果人人無溝通講話無內容，又唔知幾時有得睇，變成了今天封閉的特區香港。
　　體育運動本來講求公平競賽，反正殖民地時代結束之後甚麼都不再公平，不能再有免費體育節目，如今無足球睇無桌球睇，只不過是對不再公平的一種懲罰。