咩都唔好信

　　唔知邊個講過，政治上任何人都唔好相信。好像睇推理小說一樣，誰的好處最大誰就是兇手。
　　本來唔想講特區香港，因為太過小學雞，連建制派與反對派都分唔清楚，還說自己是尊貴的議員。
　　某一晚比較無聊，開著電視重新尋找看電視的樂趣，選擇了睇港台三十二，錄影立法局開會情況，一個做了十幾二十年議員的街工，對於前一天唔知自己做緊主席還是主持人一事耿耿於懷，這天繼續追問究竟自己係主席定主持人，仲係唔知自己做緊乜。
　　尊貴的議員，既然你坐在主席位，你當然就係主席，理得班秘書講你係主持人咩。當你有機會坐在那個位，你話自己係上帝都得，遇神殺神，遇佛殺佛，仲問咁多。
　　現在係甚麼年代，世間邊有咁蠢嘅人，人家都唔當你係人，你有機會做上帝之時你唔做，咁唔該等人殺喇。
　　再說一次，既然已經選入立法局，你已經在建制之內，還說自己是非建制派？這是甚麼邏輯？
　　至於宣誓，是真是假旁人無可能猜得透，但想想最終得益者是誰呢？特區香港愈亂對誰最有好處？只要想一想或可知道，這當中可能是一場戲，大家可能在扯貓尾。
　　當你一選為尊貴議員，即表示你同意效忠這個政府，至於宣誓內容你或許不同意，但並不表示你唔讀唔講或講錯或用特別的手勢就等同你反對效忠，世界沒有這回事，也沒有咁簡單。
　　繼續下去，六八九有機會做多五年，誰製造混亂為他拉票，半年之後自然水落石出。