扮做

　　前天看見AM730一則外賣，走杯！逾80家餐廳食肆響應，唔使睇內容，憑常識已知又係特區政府一班官員加受資助機構扮做的結果。
　　幾十年前，外賣從來都唔會有發泡膠盒或發泡膠杯，全部都係瓷碟玻璃杯。自從個個開始講環保之時，污水處理用者自付，酒樓餐廳為免付更多排污費，開始大量使用即棄杯碟，這是惡性循環的因果，沒有所謂對與錯，除非人類不再城市化，個個自給自足，自然可減少廢物。
　　以前就算落街買豆腐，都會拿個碟去買，今天樣樣都講求快捷，但係早已有班人比特區政府官員更早覺醒，永遠唔會買外賣，外出飲咖啡唔會用紙杯等，這班人這樣做無二十載都已有十年八年。
　　講真，買得外賣大部份人都唔會帶個杯，如果帶得杯，為何唔帶埋個飯盒？根本連個發泡膠盒或紙盒都可以唔用。
　　那個環保局長，聽聞是甚麼專家，出來做場表演，已經唔知浪費多少地球資源，而那些調查組織或機構，又唔知可以取幾多資助。
　　經常聽聞源頭減廢，只要沒有了這些高官與表演，這個地球都唔知幾環保，奈何政府做騷，自然有一批講良心的公器出來配合，世界多美好！