「公信力第一」

　　前兩天睇報紙，揭至最後一頁，大大個字驚死人睇唔到，五個大字「公信力第一」印在右下，一睇幾乎連前幾天的食過的飯都噴返出來。
　　數年前，某張知識份子大報都話自己係「公信第一」。事緣一間大學訪問了一千幾百人之後得出來的結果，唔講銷路，只講「公信」，但公信是甚麼呢？
　　還有，調查全特區香港的報紙包括英文報章，印象中那時得第一的是一份英文報章，之後才到中文報章，此因為這個結果，所以某份自吹自擂的中文報紙最懂得玩文字遊戲，說自己是中文報章中「公信力第一」，簡稱「公信第一」。
　　過得幾年，名次有變，那份最常玩文字偽術自吹自擂的中文報章好像排了第二第三，從此唔敢再講自己乜乜第一物物第一。
　　係人都有廉恥，明明和女子組比賽包尾，卻說自己是男子組冠軍——全隊就只有自己一個男子，如此厚顏，相信只有道貌岸然的中國人才想到。
　　如今好了，AM730將此事發揚光大，報紙中除了將英文中文區分，再要細分免費，相信遲點有人出份又中又英，或又中又菲、又繁又簡……全特區香港只此一份的報紙，再經那些騙人的統計數字，個個都係第一。
　　多好。

謊言，該死的謊言，統計數字