天國近矣

　　根據特區香港公信力第一的「頭條日報」刊登【林鄭辭職】稱參選特首「可能是天主召喚」　提出8大願景的消息，立刻想到特區香港豈止要在西九興建故宮文化博物館，也許三月某一日之後，連教廷梵蒂岡都要在西九興建主座教堂。
　　歷任咁多任教宗，未聽聞有個教宗出來話係天主召喚所以出來選教宗，而且咁耐都係聽過聖母顯靈，好像法國的路德聖母呀，葡萄牙的花地瑪聖母等，台灣宜蘭都有一處「五峰旗聖母」，尚且未經梵蒂岡證實，如今特區香港有人出來話係天主召喚，對於有宗教信仰的人來說是何等大事。
　　全世界有超過十億信徒的天主教，教宗無天主聖喚都要出來選。區區一個特區香港，只有七百萬民智未開的中國人，就有個人出來話自己得天主召喚，咁以後唔該將梵蒂岡直接搬來特區，變作全世界天主教徒的朝聖地。
　　熱切期盼，希望這位蒙天主召喚的人不要讓全世界中國人失望。