電視盒

　　無端端有一個樂視盒，對這些大陸產品沒有多大興趣，放了成個月，見有幾天假期，於是拿出來安裝，雖然並不複雜，但插線時才知條HDMI線兩頭是有不同的（其他盒或機係無此情況），不過這時小問題，至於會否因為如此泄露私隱，則有這個可能。
　　一年會期成千銀，唔知有幾多人會安裝，節目多唔一定好睇，所以絕對唔會花時間睇韓劇國劇，有時間又有興趣倒不如睇日劇或英美劇。睇節目介紹，其中一個劇名幾吸引，仔細看介紹，一睇第一句已經唔想睇，何解？
　　有一套劇或電影名「所羅門的偽證」，介紹第一句這樣寫：「翻拍自日本同名電影……」，翻拍已經打了折扣，仲係韓劇，唔好浪費時間啦，立刻轉移視線。
　　數年前韓風——可稱妖風——襲港，同事親戚朋友碰面時都會問有無追韓劇，對住這類人答案只有一個：「無。」
　　自問其實係有睇過韓劇，就係十多年前那時在國際台播出的「順風婦產科」，點解會睇？因為覺得奇怪，為何韓劇會在英文台播出，從來沒有睇過完整一集，只係知道有這個劇集。
　　也有可能因為年紀大才不喜歡韓劇，男主角個個油頭粉面，容顏十足乸型一除衫卻六塊腹肌，證明變態；女主角個個一個樣，若不專心留意根本分不清誰是誰，講說話時瞪眼翹嘴毫無美感，連南韓總統都靠整容，咁做戲的演員像倒模一點也不出奇了。
　　特區香港連免費電視都無得睇係六八九這五年德政，所以個個走出街，結果他搬石頭砸自己的腳可稱為活該。
　　既然無電視睇，不如睇本書。