迪欣湖全名叫迪欣湖活動中心，可說是迪士尼公園的一部分，不過並不收入場費，所以任何人都可入內遊覽。唔睇資料唔知，這個活動中心用了四億元興建，由二零零五年開放至今，一直都無興趣一遊。
對於設計與興建費用完全外行，所以不懂怎樣欣賞一個經過設計的人工湖及周圍的樹木，至於費用，四千萬或四億萬無分別，因為唔識數，亦唔知有幾多個零，反正愛民的政府必定服務大眾，絕無理由花多餘的錢，因為政府自己一定有監管。
在青嶼幹線繳費廣場等候轉巴士，每十至十五分鐘一班車，算是頻密，乘客四五十人之內，睇怕都幾多人去迪士尼公園，但見部分兩蚊坐車一族，在迪欣湖落車只有我倆，如果無私家車的話，遊覽兼野餐的人也不會太多。結果不出所料，幸好這天陽光不太猛烈，不然繞一個圈可能中暑，園內大樹都唔多見，植物園原路往返，相信只有高人都懂得這樣設計。
最特別之處都唔係咁，略高處有一個亭，除了避雨或遮蔭之外不知還有何用，因為內裏連櫈都無張，幸運見到一位真正的高人，高溫之下竟然躲在蔭涼處睇書，不得不自慚形穢，為何我們沒有帶本書呢？但在戶外樹下睇書，唔怕有蚊咩，最近登革熱日本腦炎又再肆虐……
沒有留言:
張貼留言