打風

　　聽聞颱風「山竹」來勢洶洶，網上有很多傳聞，但是否如他們所願？如果世事或颱風真係有得咁準預測就好囉，以後還憂甚麼？
　　不知是否中國人——特別是生活在特區香港的中國人——始終脫不掉小農思維，住在亞洲國際都會的城市裏，打風有咩咁大件事？又不是住在農村或鄉郊，做好預防措施，萬一水浸山泥傾瀉等，最多帶來幾天出入不方便，未至於影響生計或大部分人的生命與安全。萬一最壞的情況的出現，斷水斷電斷交通，也只是三幾日，如果真的發生超過一星期，相信特區香港已遭颱風破壞，這時過份擔心亦無用。
　　但係唔知點解，這幾天聽來聽去都係有無去街市買定餸，住在農村鄉郊或許真係要儲備兼做好防風預備，以前英國殖民地時代都唔多聽聞打風要怎樣，反而今天國富民強，未打風已經講到好似打仗一樣，網上有預測颱風的走向，至怕好似狼來了一樣，講得太多漸漸無人相信，到時一個小颱風吹襲就出事。
　　照片攝於九月十三日晚和十四早上香港仔避風塘。