囤積

　　碰到轉到惠康工作的前同事，隨口問她現時還有沒有廁紙紙巾和米賣，她說每天都有貨到，不過一早就賣晒。
　　「咁即係有大批供應啦。」
　　「係就係，只不過一早就賣晒，連罐頭都開始搶購。」
　　「連罐頭都買？罐頭唔食得幾多。」
　　「最奇怪朝朝買米買廁紙都係同一班人，早幾日未限買兩包時，一個人就買咗八包米，依家朝朝一開門就買兩包走，都唔知點食得咁多米。」
　　「可能那班人能早知幾日事，所以由今天開始囤積，萬一將來真係出現某些變化，這些米呀廁紙呀可以待價而沽都未定。」
　　「到時世界大亂，搵幾多錢都無用啦，真係只有中国人先諗得到。」