打格

　　近二十多年來，無論睇電影電視報紙雜誌，甚至現時的網上睇的電影電視報紙雜誌，都多了打格這回事。

　　回想一九九七年前，電影老早三級制，露點經常見，睇三級片自然有一批觀眾，至於殘暴血腥是另一回事，打格也無補，索性無得睇。

　　電視上的新聞報道，爆炸火災地震戰爭，多報事後情況，少見斷手殘肢，最多只是地上大片血污，偶然大車禍亦如實播出，和電影一樣，太過血淋淋也是索性無得睇。

　　報紙雜誌多採用黑白照片，八九六四坦克車輾過成了一堆血肉一樣刊出，從來無話打格這回事。

　　或許那時的人較容易承受創傷所帶來的影響，懂得自我調節。

　　眼不見唔代表無發生，二十多年過去了，現實比以往更殘酷更血腥，可是無論電影電視報紙雜誌和網上都唔想我們睇到，害怕我們心靈受到傷害，或許不想我們知道現實恐怖的一面，點械唔使講一定無得睇——全部打格，連血肉模糊一樣照打格，變成好像睇日本打格AV一樣——最重要的部位無得睇，但係其他卻可一覽無遺。

　　季諾有一幅漫畫描繪了世人的虛偽，嘲諷人類的無知。