共業

　　我們所居住的地方，其實也有邊緣的感覺，至於能否止於始於，看來運氣逐漸消失。

　　剛來到羅卡角，或許時間尚早，遊人不算太多，三五成群各有目的地，你向東時我會向西，靜靜觀看刻於十字架下著名的一句話：「Onde a terra acaba e o mar começa（陸止於此、海始於斯）」。

　　可是當四五架旅遊巴士進駐停車場，立時衝出二三百人幾乎全部都屬同一臉孔，令我們避無可避，雖然有些說著韓語，但鬼佬唔多識分，只好頭耷耷向更遠的海邊走去，差點落到山腳走到海邊，絕不想投海，只想把頭埋在沙裏。

　　怪不得近十年八載，絕大部分外國人不太喜歡亞洲人，連帶將日本人——他們早已脫亞入歐——也拖了落水，主要原因在於喜歡聚眾大聲講大聲笑，完全旁若無人，永遠以為只有自己一群人存在。

　　初時那班鬼佬真的睇錢份上兼左膠上腦大愛包容，後來都係頂唔順，由有歧視扮無歧視開始，漸漸當自己無歧視也開始要再有歧視，一見便揦埋口面甚至露出厭惡表情，以前真係唔覺近年經常見，無辦法，鬼叫有著同一面孔膚色與頭髮。這就是共業。