629M

　　海洋公園的水上樂園在中秋開幕，城巴增加一條629M巴士線，來往水上樂園正門與黃竹坑地鐵站。

　　巴士公司開新線只為接駁至地鐵站，豈不是巴士為地鐵招徠？收費每位$9.8。

　　未有地鐵時，有一段時間由金鐘來往海洋公園的629唔知幾好生意，很可惜正因為太貴未坐過，海洋公園咁耐或去過三兩次，每次都係坐來往南區的巴士，至香港仔隧道收費廣場站落車然後步行入內，從來無諗過坐629。

　　以前未有八達通，每次坐巴士都要預備散紙，必然記得不同路線的不同收費，有了八達通之後，相信再無人刻意記住價錢，每次都好像沒有付過車費便上車，除了增值的時候。

　　如果$9.8由水上樂園至金鐘或灣仔也許較合理，如今只到黃竹坑，離返家還有長長一段路，更必須乘地鐵，何來方便？

　　或許今時今日只要一聽到地鐵站已覺得非常方便，怪不得地鐵站附近的樓宇售樓，比起同區而不太近地鐵站同級樓宇相比，有約一成的分別。