番薯糖水

　　近年特區香港多了很多菜檔，有些由集團連鎖經營，售賣的蔬菜瓜果多來自大陸各省，由寧夏雲南貴州等地供應，至於品質有時比較參差，好味與否無人追求，只要夠平便能吸引大批顧客。

　　番薯品種很多，既有聲稱來自日本，也有越南韓國，如在崇光百貨或某幾間大型超級市場內購得，部分的確來自日本，味道是否特別好唔多覺，價錢肯定貴一倍以上。

　　紫薯雖然夠甜，可惜唔知點解，現時所見的番薯無論來自日本越南大陸等，都好像中了輻射養唔大，大部分如一個小孩的拳頭般，似薯仔多於番薯，亦有甚多長條形，真係唔知點形容，為何好久不見了雞蛋黃大番薯？

　　這天早上經過菜檔，瓜菜賣晒葱都無埋，只見幾個如普通瓜大小的雞蛋黃番薯放在無人留意的地方，於是揀了幾個較大約兩斤回家，打算無菜無米都可以食番薯充饑。

　　這幾個番薯相對而這比其他較大，卻和以前相比幾乎細了一半，至於原因，相信與種番薯利潤低，亦與耕地流失無人願意花心機栽種有關。

　　煲番薯糖水始終喜歡雞蛋黃多於紫色，無特別原因，或許是兒時記憶的一部分。母親煲以前多水，因為仔女多，現時變成少水，話要食多幾嚿（丩）番薯。