追巴士

　　近日經常見人追巴士，可並不是從前趕返工返學，而是個個拿着長鏡頭，每見新世界巴士最初的車身標誌駛過，立刻影下照片，有時更要跑到更佳位置，希望可以影得全貌。

　　幾時開始追巴士變成如今這樣？

　　今天搭巴士很多乘客會問有無位。有咩位呢？企位算唔算？

　　初時以為有位坐才上，原來唔係，係要有窗口位，兩個人要有孖座，有些更揀擇，指明第幾行左或右的窗口位，無的話決不上車。

　　世界可能真係變咗，而且變得更美好。回想初出來工作，從土瓜灣前往尖沙嘴，唔算太遠，但乘客實在太多，只要有巴士無論幾迫都要上車，所以後來改為行路返工放工，漸漸養成習慣，喜歡了步行。

　　有了地鐵後，繁忙時地鐵迫巴士同樣擠迫，算是有改善，起碼有冷氣，座位改成雙座。

　　這日在金鐘，離遠見一架新巴標誌的巴士從遠處而來，於是出於好奇，拿出智能電話影下波浪紋的新巴，回憶大家同坐一架巴士無話揀位的情況。