融入大灣區

　　歐美沒落咎由自取，於是立刻融入大灣區。

　　難得有一天平日的假期，決定返深圳消費購物，又食又玩，而且六十歲以上搭巴士地鐵唔使錢，人民素質高有禮貌，好過係特區香港等二十五分鐘才有一班巴士。

　　市區巴士可以二三十分鐘一班，但係大圍至香園圍的B8，時間表上寫明半小時一班，可是排隊的人龍一長，立刻改為十至十五分鐘，證明大灣區繁榮昌盛，特別受他們口中的廢老歡迎，一早坐車去深圳，傍晚食埋飯先回家，一係買埋餸食埋晏，又平又靚。

　　大圍至香園圍巴士車程約一個小時，過關約十五分鐘，過程輕鬆，只是覺得蓮塘口岸的通道有些窄，來往在同一條通道，而上落電梯也過細，如果真是大多人時，會有些阻塞。

　　這些都是小問題，深圳方面早已調派大批人手維持秩序，服務周到，過程順利。

　　深圳地鐵2號線離蓮塘口岸約十分鐘路程，沿途有上蓋，不怕日曬雨淋，入站要經過安全檢查，六十歲以上有免費入閘通道，地鐵站整潔明亮，指示清晰，8號線是2號線的延線，今日第一站先去海山站，到鹽田港附近的棧道遊覽。