行李手推車

　　當年啟德機場地方細細，但效率極佳，服務尚算良好，只是無咁多機場巴士，因為在市區，大多使用的士。

　　現時赤鱲角機場在大嶼山，來往主要靠地鐵和機場巴士，而有部分並非A線的巴士站離開很遠，可說並不太方便。

　　至於機場，今次所見，除了人多，其次便是行李車多，感覺還有點像一二線城市的機場。其他國家地區的機場並沒有太多行李車供應，有些甚至要收費，現時大部分行李篋都附設車轆，基本上有無行李車也可以，但唔知點解，供應多自然使用也多，結果整個機場可說行李車處處。

　　大行李車不說，因為的確有需要，推一部車好過拉兩個篋。至於小行李車呢，真係有點多餘。

　　今時唔同往日，從前搭飛機作大件事，現在幾乎隔三兩個星期或一兩個月便坐一次飛機，每次托運行李後，只剩一個可隨身揹的背囊之類或手挽袋，無必要再推一架行李車，既要「照顧」又要睇路，見到都覺麻煩。

　　機場內雖然有很多免稅商店，貴重的無需要使用小型行李車，廉宜又買不到咁大箱，倒不如輕鬆四圍逛，看着空置的行李車胡思亂想。