橙汁

　　不知何時開始聽人講，搭飛機除了多飲水外，最好就係飲蘋果汁，特別是長途飛機，因為令人容易入睡。

　　自此之後，每搭飛機，當空中小姐問飲甚麼時必定點蘋果汁，至於能否真的令人容易入睡，從來都無計算過。

　　近年那些專家改為飲橙汁，說可以增加糖份和維他命C，減少感染傷風感冒，於是又跟隨意見，改飲了橙汁。

　　飛機上除了起飛降落氣壓影響之外，再加上冷氣，乾燥的空氣與較低的氣溫，長途飛機的確令人難以適應，除了多飲水外並無他法，但飲得水多自然去洗手間的次數也多，並不是怕麻煩，而是去得廁所多也容易流失身體必須的營養外，還有體溫，於是的確需要一杯果汁來補充。

　　究竟應是蘋果汁還是橙汁？其實兩者應無大分別，主要看個人喜好。記得以前還有桃汁，可是近年唔多見。

　　至於咖啡或茶，大多落機前才飲一杯提提神，準備另一段旅程。

　　可是近年興廉航，真係水都無一杯，幸好多在兩三個小時內，帶個水樽加本小書，還可揀個窗口位睇風景。

　　看來有得也有失，於是向空中小姐要了杯橙汁，打開德國扭紋餅，再想飲啖水，但水……水呢？