蘿蔔糕

　　製作蘿蔔糕比較簡單，不過同樣花時間。

　　根據母親指示，五斤蘿蔔配一包粘米粉，配料包括蝦米、臘肉、乾葱頭、臘腸等隨意，喜歡濃味兼豐富可以加多一點，炒香備用。

　　經常聽見有人講，蘿蔔切比刨好食，但每人的感覺都唔同，怎可能一概而論，況且有牙（真牙）與假牙食起來都唔同，而且也沒有咁多時間，刨當然比切快而又無咁花氣力，所以選擇了刨。

　　刨好絲放粒冰糖煲滾，跟着倒粉及配料，一茶半匙幼鹽，糖少許，搞拌均勻，然後倒入蒸盤鋪平，滾起後可以收慢一格火，蒸約一個半小時便成。

　　賣相不算特別好，自己食沒有太高要求，能夠完成已經足夠，下次有機會再畀心機做好一點。