晚餐

　　明天便要離開奧維耶托，於是把這兩天買回來的食物，一次過拿出來，弄成晚餐。

　　其實只有意粉和麵包之前剩的，沙律則是新鮮買回來，連果汁也沒有，飲的是清水。

　　軍仔繼續拿着電筒，在今時今日智能電話已有了電筒這回事，一個智能電話已經包括了旅行資料、地圖、車票、入場券、相機、電筒、通訊錄等，甚至信用卡也包括在內，為何還要帶電筒？

　　帶個電筒旅行，主要為了預防旅館酒店萬一停電火警，漆黑一片用來照明，但係幾十年間只遇過一次突然停電（事前有通告），電筒幾乎從來無用過。

　　這樣是否電筒無用？當然唔係，預防永遠都係預防，唔一定用得上，但係萬一遇上時就會覺得有用。不單預防，有時還要實習，不然到時唔知點用。

　　所以軍仔唔怕重，帶電筒帶多個袋多兩三支筆帶多件衫，阿嫲話出門無六月。

　　咁使唔使帶多啲錢？

　　都想，不過事實無幾多。